Shqiptarët e Serbisë Jugore: "Të drejta si serbët e Kosovës"
10 Mars 2013![Presheva](https://static.dw.com/image/16521967_800.webp)
Reklamë
Shqiptarët në Serbinë Jugore kërkojnë të njëjtat të drejta, që Beogradi kërkon për bashkëatdhetarët e tij në Kosovë. Këtë e vendosën partitë shqiptare të komunave Preshevë, Bujanovc dhe Medvegjë, bëhet e ditur nga burime shqiptare në vend. Ashtu si serbët e Kosovës, edhe shqiptarët e Serbisë Jugore duan të kenë nën kontrollin e tyre doganat lokale dhe policinë, i tha zëdhënësi i shqiptarëve agjencisë beogradase të lajmeve Beta.
Deputetët e të tri komunave me shumicë shqiptare bëjnë të ditur në një deklaratë se "kërkojnë qëndrime reciproke me të gjitha të drejtat e serbëve të Veriut të Kosovës", tha më tej Musliu. Për këtë qëllim është ngritur një komision prej 11 vetësh, i cili duhet të bëjë negociata me qeverinë serbe.