Sukses me vreshta okologjike
5 Korrik 2008Prej nga Bergkuppe pamja është fantastike. Në veri në drejtim të Rinit dhe Hunsrykut (Hunsrück) dhe në perëndim në rrafshnaltën e Rinit të Hesenit, në drejtim të kryeqytetit të Landit Rajnland Pfalz (Rheinland-Pfalz) prodhohet një e treta e verës gjermane, për shkak të klimës së butë që ka kjo zonë.
Në malin e Langenlonshajmit /Langenlonsheim), një vend në të cilin njerëzit bëjnë verë prej qindra vitesh, ndodhet vreshtaria "Tek Cvëlberih" (Im Zwölberich). 21 hektarë vreshta i kultivon Hartmut Hajnc (Harmut Heintz) dhe familja e tij.
300 vjet traditë vreshtarie
Aktiviteti që filloi më 1711 vetëm për të nevojat e veta duke kultivuar drithra, shtuar mishin dhe prodhuar verë u zhvillua vetëm në një drejt, në prodhimin e verës. Si të rreshtuara në një zinxhir, hardhitë kacavirren në gjithsej një duzinë rreshta gardhesh. Rreshtat e hardhive ndodhen tre metra larg nga njëra tjetra, dy herë më larg se të fqinji ngjitur. Kështu bimët marrin më shumë dritë dhe ajër, dhe kështu mund të luftohet më mirë shëprndarja e mykut, tregon Hartmut Hajnc.
Kultivim me metodën dinamike biologjike
Hajnc nuk përdor kimikate për mbrojtjen e vreshtave. Ai e prodhon verën e tij sa më natyrore që të jetë e mundur. "Qëllimi ynë ka qenë gjithnjë që të përmirësojmë fuqinë mbajtëse të sipërfaqeve të mbjella në mënyrë natyrore. Ekzistojnë mundësi të tjera, për ta bërë tokën sa më të gjallë dhe për të përmirësuar shijen autonetike të verës."
Prandaj Hajnc, për tu kujdesur për vreshtat përdor një metodë biologjiko-dinamike, një përzierje bimësh dhe mineralesh, që ai e bën vetë duke e vëzhguar me saktësi.
Ndezja e vreshtës
Ati i tij ka pas filluar me kultivimin okologjik të vreshtave, dhe në fshat ata shihen si të ishin një gjë e rrallë për shkak të traditës njëqindvjeçare që kanë. "Kur dikush bën diçka tjetër nga zakoni atëherë fqinjët nuk e kuptojnë dhe fillojnë armiqësitë. Kështu im atë filloi me shartimin e rrushit dhe një herë i vuri zjarrin kodrës me vreshta."
Sot kjo është një praktikë e zakonshme, thotë Hajnc. Madje e dëshiruar, sepse me rritjen e kërkesës për prodhime bioogjike biznesi ka ecur mirë. Aktualisht Hajnc furnizon në gjithë botën 8000 klientë privatë, vera e tij gjendet në shumë dyqane me prodhime biologjike në Gjermani. Një seri e tij ka marrë çmim.
Ndryshime strukturore në bujqësi
Ai mendon se çfarë të bëjë në të ardhmen. Sepse bujqësia, dhe bashkë me të edhe kultivimi i rrushit ndodhen në fazë ndryshimesh strukturore. Në Hesenin e Rinit ndërmarrjet e vogla janë bashkuar në sipërmarrje të mëdha." Në shumë familje vreshtarësh e ardhmja nuk është e sigurt sepse të rinjtë tërhiqen më shumë nga qyteti se sa nga jeta në fshat."
Hartmut Hajnc shpreson që i biri i tij 22 vjeçar ose e bija 20 vjeçare të marrin një ditë përsipër vazhdimin e biznesit. Por edhe ai mendon për përdorimin e metodave të tjera në drejtimin e sipërmarrjes: "Kështu për shembull një vreshtar mund t`i japë mundësinë dikujt që jeton në qytet, që të merret me prodhimin e këtushëm ."