Serbia është përfshirë nga një valë protestash që zhvillohen çdo natë para Komisionit Qendror të Zgjedhjeve, ku opozita dhe qytetarët po kërkojnë rivotime të paktën për Beogradin. Kjo vjen pas dyshimeve se zgjedhjet u vodhën nga partia e presidentit, Aleksandar Vuçiq. Kritika të forta janë bërë gjithashtu edhe nga vëzhguesit vendorë dhe ndërkombëtarë, të cilët shprehën shqetësim për cënimin e demokracisë në vend. Në shenjë revolte, dy ish-deputetë të Kuvendit të Serbisë janë në grevë urie për ditë të tëra në godinën e Komisionit Qëndrorë të Zgjedhjeve në Beograd.