Gati 16 milionë qytetarë me sfond migracioni ka sipas sondazheve të fundit të Zyrës Federale të Statistikave në Gjermani. Por rreth një e treta e tyre mund të votojnë. Sepse Një pjesë e madhe e tyre ose nuk e kanë mbushur moshën e votimit ose nuk kanë shtetësinë gjermane. Dhe vetëm ata që kanë pasaportë gjermane mund të votojnë. Një përjashtim ka për qytetarët e BE-së: këta të mund të votojnë në zgjedhjet lokale dhe evropiane edhe pa pasur shtetësinë gjermane, por jo në zgjedhjet për Bundestagun.

Preferenca partiake në varësi nga vendi i origjinës

Nga një studim i Zyrës Federale për Emigracionin dhe Refugjatët e 2012 tregon se njerëzit me rrënjë të huaja nuk marrin shpesh pjesë në zgjedhje. Sipas studimit në vitin 2009 në zgjedhje morën pjesë vetëm 72,3% e të huajve që kanë pasaporta gjermane.

Sipas anketimeve dhe studimeve të huajt që kanë pasaporta gjermane votojnë më shpesh për SPD apo CDU. Emigrantët, të paktën shumica e tyre, preferojnë një prej dy partive të mëdha, thotë Ingrid Tucci nga Instituti Gjerman për Kërkime Ekonomike. Sipas studimeve të saj emigrantët që kanë ardhur në vitet 50-60 p.sh. nga Turqia, Jugosllavia votojnë për socialdemokratët, sepse vijnë nga shtresa sociale e punëtorëve. Kurse qytetarët me prejardhje gjermane që erdhën në Gjermani pas luftës së ftohtë nga Rusia preferojnë CDU/CSU-në.

Vendimtare përvoja e migrimit

Tucci beson se besnikësia ndaj njërës apo tjetrës parti lidhet me përvojën e secilit grup emigrantësh në Gjermani. Kështu meqë CDU u angazhua që qytetarët me prejardhje gjermane të vinin pas luftës së ftohtë nga Rusia në Gjermani ata i qëndrojnë besnik kësaj partie. Ndërkohë që SPD-ja është angazhuar për emiograntët e tjerë. Gjithësesi kjo mund të thuhet për brezin e parë të mingrantëve, sepse brezi i dytë preferon edhe të Gjelbrit.

Studimet e saj kanë treguar edhe se përkatësia fetare duket se nuk luan ndonjë rol, thotë Tucci.