Guri i çmuar u gjet në një minierë në Botsvana
19 Qershor 2021![Botsuana | Drittgrößter Diamand der Welt](https://static.dw.com/image/57931117_800.webp)
Reklamë
"Ky diamant kaq i rrallë dhe i jashtëzakonshëm ka shumë kuptim për Botsvanën dhe sjell shpresë tek ky vend që lufton çdo ditë me varfërinë” – tha Lynette Armstrong, drejtuese e kompanisë minerare Debswana. Guri i çmuar ka 1098 karatë.
Diamanti më i madh i nxjerrë ndonjëherë nga nëntoka është "Cullinan”, i zbuluar në vitin 1905, me një peshë prej 3106 karatë. Ai u nxor në Afrikën e Jugut dhe mori emrin e pronarit të minierës, Thomas Cullinan.
Ndërsa vendin e dytë e mban diamanti "Lesedi La Rona”, me peshë 1109 karatë. Edhe ky diamant u zbulua në minierën veri-lindore të Botsvanës në vitin 2015 dhe ka madhësinë e një topi golfi.
Vlera e këtyre diamantëve mund të arrijë miliona dollarë në tregun ndërkombëtar.