Sondazhet e deritanishme tregojne se ultranacioanalistet e Partisë radikale serbe dhe Partia demokratike pro perëndimore e presidentit, Boris Tadiç do të dalin pothuajse baras si fituese. Në vend të tretë pritet të jetë Partia demokratike serbe e kryeministrit aktual, Vojislav Koshtunica.

Edhe shqiptarët në Luginën e Preshevës, pretendojnë të fitojnë tre vende në parlamentin e ri serb. 50 mijë shqiptarë të kësaj zonë janë regjistruar për pjesëmarrje në zgjedhjet e sotme.Në këto zgjedhje marrin pjesë Partia për Veprim Demokratik dhe Bashkimi Demokratik i Luginës. I pari në listën e 10 kandidatëve është Riza Halimi, kryetar i PVD. Ndërkohë, në zgjedhjet e sotme në komunat e Kosovës UNMIK-u ka deklaruar se nuk do të luajë asnjë rol dhe as nuk e mbështet dhe as nuk e pengon procesin e votimit. Rezultatet e para jo zyrtare priten sot në mesnatë.