JangaLibya
12 wahukumiwa athari za mafuriko ya Derna, Libya
29 Julai 2024![Athari za mafuriko yaliyoikumba Derna, Libya mwaka 2023.](https://static.dw.com/image/66918092_800.webp)
Matangazo
Mkasa huo ulisababisha vifo vya maelfu ya watu. Ofisi ya mwandesha mashtaka wa Libya imesema watuhumiwa hao ambao wanajumuisha wafanyakazi wa serikali na maafisa wa serikali za mitaa wametiwa hatiani kutokana na majukumu yao ya kusimamia mabwawa makubwa ya maji.
Wamehukumiwa kifungo cha kati ya miaka 9 hadi 27 gerezani kwa kushindwa kutimiza wajibu wao wa kusimamia mabwawa ya nchi hiyo ambayo mawili yalipasuka na kusababisha mafuriko ya kutisha.
Mnamo Septemba 10 mwaka jana, kimbunga Daniel kiliipiga pwani ya mashariki mwa Libya na kusababisha mafuriko na kupasuka kwa mabwawa makubwa mawili yaliyosomba karibumji mzima wa Derna.
Zaidi ya watu 4,300 walikufa na maelfu wengi hadi leo hawajulikani walipo.