Mauaji yanaendelea kuripotiwa maeneo hayo licha ya juhudi za jeshi la Kongo, ambalo pia linapambana na kundi la waasi wa M23, ambalo mashambulizi yake katika miezi ya hivi karibuni yamepelekea watu 600,000 kuyahama makazi yao.

Hayo yanajiri wakati wajumbe wa Baraza la Usalama la Umoja wa Mataifa walifanya ziara wikiendi hii huko Kivu Kaskazini.

Balozi wa Ufaransa katika Umoja wa Mataifa Nicolas de Rivière amesema Umoja wa Mataifa hauwezi pekee kupatia suluhu tatizo hilo, bali kunahitajika mazungumzo ya kisiasa na suluhisho la amani.