Haya yanafanyika wakati ambapo duru mpya ya mazungumzo ya kusitisha mapigano ikiwa imeanza huko Doha Qatar, kwa mujibu wa afisa mmoja aliyezungumza na shirika la habari la Reuters.

Mkutano huo wa faragha unahudhuriwa na maafisa wa Israel, Marekani, Misri na waziri mkuu wa Qatar. Marekani inatarajia kwamba makubaliano ya kusitisha vita yatafikiwa ili kuepusha Iran kufanya mashambulizi ya kulipiza kisasi wakati ambapo Marekani yenyewe, imeshapeleka manowari na ndege za kivita katika eneo hilo ili kuilinda Israel.

Wakati huo huo, Rais wa mamlaka ya Palestina Mahmud Abbas amekiambia kikao maalum cha jeshi la Uturuki leo kuwa atafunga safari na kuelekea Gaza, hata ikiwa safari hiyo itagharimu maisha yake.