JamiiUfaransa
Abiria walioshukiwa kusafirishwa kinyemela warejeshwa India
26 Desemba 2023![Uwanja wa Ndege wa Vatry, mashariki mwa Ufaransa.](https://static.dw.com/image/67813462_800.webp)
Matangazo
Karibu abiria wote 300 waliokuwemo ndani ya ndege hiyo aina ya Airbus chapa 340 walikuwa na asili ya kihindi na walikuwa njiani kwenda nchini Nicaragua.
Safari yao ilianzia huko Umoja wa Falme za Kiarabu lakini ndege yao ilizuiwa kuondoka pale ilipotua kwa muda kwenye uwanja wa ndege wa Vatry, mashariki mwa Ufaransa, alhamisi iliyopita.
Mamlaka zilidokezwa kwamba abiria waliokuwepo huenda waliokuwa wanasafirishwa kwenda kutumikishwa huko Amerika ya Kusini.
Baada ya siku kadhaa za uchunguzi, abiria 276 kati ya 303 walikuwemo wamerudishwa India kwa kutumia ndege hiyo na wengine waliosalia watapatiwa hifadhi nchini Ufaransa.