Abiy ameonya kwamba uamuzi huo utatekelezwa hata kwa kulipa gharama kwa ajili ya umoja wa taifa hilo na amani ya watu wake. Mpango huo uliotangazwa kwa mara ya kwanza siku ya Alkhamis unalenga kuleta utangamano katika vikosi hivyo ambavyo vilianzishwa na baadhi ya majimbo.

Soma zaidi: Abiy Ahmed atangaza uwezekano wa mazungumzo na waasi wa Oromo
TPLF yaondolewa katika orodha ya makundi ya kigaidi Ethiopia

Vikosi hivyo vimezua mzozo siku za nyuma, hasa wakati wa vita vya kikatili vya Tigray, huku maafisa wa usalama wanaohudumu katika eneo la Amhara wakishutumiwa kwa ukiukaji mkubwa wa haki za binadamu.

Pande zote za mzozo zimeshutumiwa kutenda uhalifu wa kivita na wachunguzi wa Umoja wa Mataifa.