Kamanda wa kundi la wanamgambo wenye mafungamano na serikali ya mjini Mogadishu, Mohamed Osman ameliambia shirika la habari la AFP kuwa afisa wa cheo cha juu ni miongoni mwa wahanga wa shambulizi hilo, na kuongeza kuwa dazeni kadhaa za wanamgambo wa al-Shabaab wameuawa.

Osman ameeleza kuwa al-Shabaab imeripua gari lililojaa viripuzi kwenye kambi hiyo na kisha wapiganaji wake wakafanya uvamizi. Kamanda wa jeshi la Somalia katika mji wa Balcad ulio karibu na kambi iliyoshambuliwa amesema serikali hivi sasa inalidhibiti eneo hilo.

Shambulizi hilo la al-Shabaab limefanyika siku moja baada ya serikali kuukomboa mji muhimu wa mwambao wa Haradhere kutoka mikononi mwa kundi hilo.