Akizungumza kwenye mkutano unaofanyika Lisbon, Ureno, Baerbock amesema kwa msimamo huo wa Putin ndio sababu ni muhimu kwa Umoja wa Ulaya kuendelea kuipa Ukraine silaha za kujilinda na kuwalinda raia wake.

Katika tukio jingine, Rais Putin ameongoza uzinduzi wa meli ya kivita iliyo na makombora mapya ya kivita ya mwendo wa kasi kutumika kwenye mafunzo katika bahari ya Atlantiki, Hindi na Mediterrania.

Akizungumza kwenye hafla hiyo, Putin amesema ana uhakika silaha za nguvu kama hizo zitawezesha juhudi za kuilinda Urusi dhidi ya uwezekano wa vitisho vya nje, na zitasaidia katika kufanikisha masilahi ya taifa.