Vyombo vya habari mjini Barcelona vimeripoti kuwa rais wa klabu hiyo Josep Bartomeu yumo kwenye mazungumzo na Ronald Koeman anayetajwa kuchukua mikoba. Koeman amekuwa kocha wa timu ya taifa ya Uholanzi tangu mwaka 2018. Setien alichaguliwa kuifandisha Barcelona mwezi Januari lakini ameshindwa kuchukua taji la La liga na kisha kupokea kipigo cha magoli 8 kutoka Bayern . Wakati huo huo Inter Milan iimetinga fainali ya Europa League baada ya kuichapa Shakhtar Donetsk mabao 5-0 katika mchezo wa nusu fainali. Klabu hiyo ya Italia sasa itavaana na Sevilla katika mchezo wa fainali utakaofanyika Ijumaa mjini Cologne Ujerumani.