Mshambuliaji wa Bayern Thomas Müller amewashukuru mashabiki wa klabu hiyo kwa jinsi walivyokuwa na wachezaji hata walipokuwa wakipitia kipindi kigumu.

"Kulikua na sababu za kutuzomea ila nilichosikia kutoka kwenu ni msukumo mliotupa na ninachotaka kusema ni kwamba msukumo huo ulikuwa wenye umuhimu hata kwenye kipindi kigumu ni muhimu kuendelea kujaribu. Tunaweza kuichambua mechi baadae na nafikiri bado kuna mengi tunayostahili kuyafanya ila ni muhimu kuwa pamoja hata matokeo yanapokuwa mabaya," alisema Müller.

Jamal Musiala aliyewafungia Bayern goli la pili na la ushindi alikuwa na haya ya kusema wakati wa sherehe za taji lao.

"Sina maneno ya kuelezea nilivyojihisi ila ulikuwa wakati mzuri na ninafurahi tumeshinda ligi," alisema Musiala.

Bayern ambao timu yao ya wanawake pia ililishinda taji la Ligi ya wanawake baada ya kuwabwaga Wolfsburg, mara baada ya kulishinda taji hilo, walimuachisha kazi afisa mkuu mtendaji oliver Kahn pamoja na mkurugenzi wa michezo Hassan Salihamidzic. Nafasi ya Kahn sasa imechukuliwa na Jan-Christian Dreesen.