Mtu huyo anayehusiana kifamilia na Bazoum ameyasema hayo baada ya madai ya utawala mpya wa kijeshi nchini humo kwamba Bazoum alijaribu kutoroka kifungo cha nyumbani katika ikulu ya rais nchini humo. 

Familia yake imesema daktari wake aliruhusiwa kumuona na kumpelekea chakula.

Soma zaidi: Mawakili wa Bazoum wakanusha madai kwamba alijaribu kutoroka

Siku ya Alhamis, jeshi lililompindua Bazoum lilisema limezuwia jaribio la kiongozi huyo kutoroka. 

Siku ya Ijumaa, Rais Emmanuel Macron wa Ufaransa alielezea wasiwasi wake juu ya hali tete iliyopo nchini humo na kutaka Bazoum achiwe huru mara moja pamoja na mkewe na mtoto wake wa kiume.