Benzema kuhamia Saudi Arabia?
5 Juni 2023![UEFA Champions League Real Madrid v Manchester City](https://static.dw.com/image/61688258_800.webp)
Luka Modric na Hugo Loris wako kwenye orodha ya Zaidi ya wachezaji kumi wa ngazi ya juu wanaowindwa na Saudi Arabia katika dirisha hili la uhamisho, wakiongozwa na Lionel Messi na Karim Benzema.
Chanzo kilicho karibu na mazungumzo hayo kimeliambia shirika la Habari la AFP kuwa Sergio Ramos, Jordi Alaba, Sergio Busquets, N'Golo Kante, Angel Di Maria na Roberto Firmino pia ni miongoni mwa washindi wa Kombe la Dunia la Ligi ya Mabingwa wanaowindwa kujiunga na Ligi Kuu ya Kandanda ya Saudi Pro League.
Taarifa hiyo inajiri wakati maafisa wa Saudia wakiwa mjini Paris na Madrid kujaribu kuzinasa Saini za Messi na Benzema kwa mujibu wa ripoti, ambazo zitawawawezesha kujiunga na Cristiano Ronaldo katika taifa hilo la Kifalme lenye utajiri wa mafuta.
Ibahimovic atundika daluga kandanda la kulipwa
Zlatan Ibrahimovic amehitimisha taaluma yake ndefu iliyojaa mataji chungu nzima baada ya kutangaza jana kustaafu kandanda la kulipwa. Mshambuliaji huyo mkongwe alifichua uamuzi wake wa kutundika daluga katika dimba la San Siro baada ya mechi ya mwisho wa msimu ambayo AC Milan ilishinda 3 -1 dhidi ya Verona.
Takwimu kumhusu Zlatan ambaye sasa ana umri wa miaka 41
Magoli 511 ya vilabu
mechi 988 katika taaluma yake
Mfungaji bora wa muda wote Sweden akiwa na mabao 62
Bingwa wa Serie A mara tano
Bingwa wa Ligue 1 mara moja
Bingwa wa Ligi ya Uholanzi – Eredivisie mara mbili
Bingwa wa La Liga mara moja
Bingwa wa Europa League mara moja
afp/reuters/dpa/ap