Mabingwa wa ligi ya soka nchini Ujerumani Bayern Munich wamekamilisha ushindi wa mara ya tano wa kunyakua vikombe viwili katika msimu mmoja, nchini Ujerumani jana Jumamosi kwa ushindi wa mabao 2-1 dhidi ya Schalke 04 katika mpambano wa fainali katika kombe la Ujerumani .

Bayern imeshinda ubingwa wa ligi kwa kupata points 77 kutokana na michezo 34 ya ligi, ambapo makamu bingwa ni Schalke ambao wamemaliza kampeni ya msimu huu kwa kujikingia points 63.