jumapili hii kwa ziara ya wiki moja barani Afrika.Kansela Schröder anafuatana na ujumbe wa watu 23 wakiwemo wakuu wa mashirika ya kiuchumi na benki.Kansela Gerhard Schröder atazitembelea Ethiopia,Kenya,Afrika kusini na Ghana.Duru za serikali zinasema ziara hiyo ya kwanza kufanywa na kansela Schröder barani Afrika,imelengwa kushadidia uungaji mkono wa Ujerumani katika juhudi za kuleta mageuzi na kuimarisha amani barani Afrika.Nchini Ethiopia,kituo cha kwanza cha ziara hiyo,kansela Gerhard Schröder atayatembelea makao makuu ya Umoja wa Afrika mjini Addis Ababa. Kansela Schröder anatazamiwa kuwasili Kenya jumatatu ijayo,na duru za kuaminika zinasema amedhamiria kuzipongeza juhudi za rais Mwai Kibaki za kupambana na rushwa pamoja na kushadidia haja ya kuimarishwa ushirikiano kati ya idara za upelelezi dhidi ya ugaidi.