Chama cha maofisa wa polisi hapa Ujerumani kimeipinga fikra ya chama cha upinzani cha CDU hapa nchini kwamba jeshi litimiwe kulinda usalama, ikiwa ni pamoja na kufanya doria za kupambana na ugaidi, wakati wa michezo ya kombe la dunia la kandanda mwakani. Ujerumani itakuwa mwenyeji wa tamasha hilo. Msemaji wa chama cha maafisa wa polisi, Wolfgang Speck, amesema kutumiwa jeshi kutakuwa ni kinyume ya katiba ya Ujerumani. Alisema ni polisi peke yao ambao ni dhamana ya usalama wa umma ndani ya Ujerumani. Fikra hiyo pia imekataliwa na Chama cha kiliberali cha Free Democratic ambao huenda wakawa washirika wa Wa-Conservative katika serekali ijayo ya mseto.