Mkutano huo umefanyika huku utawala wa Biden ukitangaza vikwazo vipya dhidi ya Urusi kufuatia kifo cha kiongozi huyo wa upinzani nchini urusi.

"inashangaza jinsi mke na binti yake wanavyoiga hilo. Tutakuwa tukitangaza vikwazo dhidi ya Putin, ambaye alihusika na kifo chake, kesho. Lakini jambo moja ambalo wameliweka wazi kwangu ni kwamba, Yulia ataendelea na pambano," alisema Biden.

Timu ya Navalny inasema mkosoaji huyo mkubwa wa Rais Vladimir Putin, aliyekuwa na umri wa miaka 47, aliuawa.

Soma pia: Mjane wa Navalny aahidi kuendeleza kazi yake

Mkutano wa San Francisco ulijiri wakati Ikulu ya Marekani ikiunga mkono juhudi za mamake Navalny za kutaka kukabidhiwa mwili wa mwanawe, jambo ambalo mafias awa Urusi wamekataa, siku kadhaa tangu alipokufa gerezani.

Mama wa Navalny amesema ameuona mwili wa mwanawe na kwamba anapinga shinikizo kubwa la mamlaka kumtaka akubali mwanawe  azikwe kisiri bila umma kushuhudia.