Baada ya mikutano hiyo Biden akizungumza na waandishi wa habari amelizungumzia suala la kuvujishwa kwa nyaraka za siri za Marekani akisema kwa sasa uchunguzi unaendelea na aliyehusika na uvujishwaji wa nyaraka hizo atatambuliwa karibuni.

Shirika la habari la Reuters limepitia zaidi ya nyaraka 50 ila halijazithibitisha na idadi ya nyaraka zilizovujishwa zinaaminika kuwa zaidi ya 100.

Soma pia:Urusi yatilia mashaka nyaraka za siri za Marekani zilizovuja

Wizara ya sheria ya Marekani ilianzisha uchunguzi baada ya wizara ya ulinzi kuliwasilisha suala hilo kwake na kwa sasa inachunguza hasara iliyotokana na tukio hilo.