Biden na Xi hawajazungumza tangu walipokutana mwezi Novemba mwaka jana katika mkutano wa kilele wa mataifa 20 yaliyostawi na yanayoinukia kiuchumi, G20 huko Bali, Indonesia. Maafisa wa serikali ya Marekani  wamekuwa wakijaribu kuwakutanisha viongozi hao huku Beijing ikitupilia mbali azma hiyo.

Uhusiano kati ya nchi hizo mbili zenye uchumi mkubwa zaidi duniani umekabiliwa na mivutano ya kisiasa na kichumi. Tofauti kati ya nchi hizo mbili zimechochewa na uvamizi wa Urusi nchini Ukraine pamoja na harakati za China karibu na visiwa vinavyojitawala vya Taiwan.