Mdahalo huo kando na masuala mengine, ulijikita juu ya uchumi na sera za kigeni za nchi hiyo.

Biden alianza mdahalo huo kwa kumlaumu Trump kwa kuuporomosha uchumi wa taifa hilo wakati alipokuwa madarakani.

Kiongozi huyo pia alimkosoa Trump kwa jinsi alivyoshughulikia janga la ugonjwa wa UVIKO-19 lililosababisha vifo vya maelfu ya watu nchini Marekani. 

Soma pia:Biden, Trump wakabiliana katika madahalo wa kwanza wa uchaguzi wa rais 2024

Kwa upande wake, Trump alijibu kwa kukosoa rekodi za utawala wa Biden akisema kiongozi huyo amefanya kazi duni akiwa madarakani, na kwamba amesababisha mfumuko wa bei.

Mdahalo huo ni fursa kwa wagombea wote wawili kujaribu kuelezea sera zao za kisiasa na kuwashawishi wapiga kura.