Kulingana na maafisa wa ngazi za juu wa Marekani, mkutano huo wa ana kwa ana utakaokuwa wa kwanza kati ya viongozi hao mwaka huu, unajiri kufuatia viwango vya juu vya diplomasia kwa lengo la kupunguza mvutano kati ya mataifa hayo mawili makubwa duniani.

Biden na Xi watakutana pembezoni mwa mkutano wa kilele wa ushirikiano wa kiuchumi wa nchi za kanda ya Asia na Pasifiki.

Maafisa wamesema mkutano huo utakaofanyika San Francisco unatarajiwa kujadili masuala yanayozonga ulimwengu ikiwemo vita vya Israel na Hamas, uvamizi wa Urusi nchini Ukraine, uhusiano wa Korea Kaskazini na Urusi, Taiwan, kanda ya bahari ya Hindi na Pasifiki, masuala ya haki za binadamu, teknolojia ya akili ya kubuni na biashara.