Mazungumzo hayo yamejiri kabla ya uamuzi unaotarajiwa kuchukuliwa na utawala wa rais Joe Biden kutangaza rasmi kwamba kuondolewa kwake madarakani yalikuwa mapinduzi.

Wizara ya mambo ya ndani imesema Blinken alimpigia simu Bazoum kusisitiza kwamba kurejeshwa kwa serikali iliyochaguliwa kwa uhuru ndio njia muafaka kwa Niger kustawi kwa ajili ya watu wake.

Imeongeza pia kuwa hiyo ndiyo njia itakayohakikisha nchi hiyo inaendelea kuwa mshirika muhimu wa Marekani na nchi nyingine katika vita dhidi ya misimamo mikali na ugaidi katika eneo la Sahel.

Wizara hiyo imesema Marekani inataka watu wote wanaozuiliwa kwa njia isiyo halali baada ya jeshi kutwaa madaraka waachiwe huru mara moja.