Bw Blinken amekutana na rais Al-Sisi pamoja na waziri wa mambo ya nchi za nje wa Misri Sameh Shoukry kwa majadiliano ya masuala ya kikanda ikiwemo juhudi za kumaliza mzozo nchini Sudanna kukomesha mapigano baina ya pande hasimu nchini Libya.

Soma pia:Blinken: Marekani kutoa tangazo 'zito' kuiunga mkono Afrika

Baadaye ataelekea mjini Jerusalem kwa mkutano na waziri mkuu wa Israel Benjamin Netayahu ambaye sera za serikali yake zimezusha wasiwasi mkubwa wa kuongeza mivutano kwenye kanda hiyo.

Waziri Blinken atasafiri pia hadi mjini Ramallahhuko Ukingo wa Magharibi kwa mazungumzo na kiongozi wa mamlaka ya ndani ya Palestina, Mahmoud Abbas.