Akiwa Cairo, Blinken atakutana na Rais wa Misri Abdel Fattah El-Sisi, siku moja tu baada ya kufanya mazungumzo na mrithi wa kiti cha ufalme wa Saudi Arabia Mohammed bin Salman.

Kulingana na msemaji wa wizara ya mambo ya nje ya Marekani Matthew Miller, Blinken alizungumza na Mohammed bin Salman kuhusu "umuhimu wa kupunguza mivutano ya kikanda."

Ziara hiyo ya Blinken ni ya tano katika eneo la Mashariki ya Kati tangu kuzuka kwa vita kati ya Israel na Hamas.

Mwanadiplomasia huyo pia anatarajiwa kuzitembelea Israel na Qatar.