Waziri mkuu wa India Narendra Modi amekamilisha kipindi chake na kukabidhi uenyekiti huo wa kupokezana kwa Rais wa Brazil Luiz Inacio Lula da Silva.

Soma pia: Viongozi wa kundi la G20 wanaokutana nchini India, wamekubaliana kutoa tamko la pamoja linaloepuka kuilaani Urusi

Baada ya kupokea kiti hicho, Lula amesema kuwa  "masuala ya kijiografia ya kisiasa" hayapaswi kukwamisha majadiliano ya G20, akimaanisha malumbano ya kidiplomasia kuhusu vita vya Ukraine.

Viongozi wa G20 wamekuwa na mvutano mkubwa juu ya vita hivyo, tangu vilipoanza mwaka jana, huku Rais wa UrusiVladimir Putin akikosa kuhudhuria mkutano huo ili kukwepa mzozo wa kisiasa.