Klabu ya Werder Bremen imeponea chupuchupu kushuka daraja ya ligi kuu ya kandanda ya Ujerumani Bundesliga baada ya kuwazidi nguvu timu ya Bundesliga ya daraja la pili Heidenheim kwa kanuni ya mabao ya ugenini.

Bremen ilipata bao la kuongoza katika dakika ya tatu baada ya mchezaji wa Heidenheim Norman Theuerkauf kujifunga lakini iliwapasa Bremen kutokwa na jasho kufuatia bao la kusawazisha dakika ya 85 kutoka kwa Tim Kleindienst.

Ludwig Augustinsson aliipatia Bremen bao la pili na kuifanya kutoka sare ugenini 2-2 katika mechi ya kupanda /kushuka daraja mkondo wa pili. Mkondo wa kwanza uliisha kwa kutoka sare ya bila kufungana 0 - 0.

Bremen ambao wamewahi kuchukua ubingwa wa Bundesliga mara nne walimaliza nafasi ya chini na kulazimika kucheza mechi hiyo.