Viongozi hao wanatarajiwa kujadiliana juu ya nafasi za juu za uongozi kwenye umoja huo pamoja na hali katika eneo la Mashariki ya Kati na Ukraine.

Ajenda nyingine kwenye mkutano huo ni usalama na ulinzi na ushindani ndani ya Umoja wa Ulaya.

Viongozi wa mataifa hayo ya Ulaya bado hawajafikia makubaliano ya mwisho ya mgombea wa nafasi hizo, lakini baadhi wamenukuliwa wakiisifu rekodi ya Rais wa Halmashauri Kuu ya Ulaya, Ursula von der Leyen, anayeonekana kurejea kwenye nafasi hiyo kwa awamu ya pili baadaye mwezi huu.