SiasaBurkina Faso
Burkina Faso yaitaka Ufaransa kuondoa wanajeshi wake
23 Januari 2023![Burkina Faso | Französische Armee](https://static.dw.com/image/64478905_800.webp)
Matangazo
Ufaransa ina karibu wanajeshi 400 wa kikosi maalum wanaohudumu Burkina Faso, lakini mahusiano yamedorora katika miezi ya hivi karibuni.
Msemaji wa serikali ya kijeshi ya Burkina Jean-Emmanuel Ouedraogo amesema wanasitisha makubaliano yanayoviruhusu vikosi vya Ufaransa kuwa Burkina Faso.
Ameongeza kuwa huo sio mwisho wa uhusiano wa kidiplomasia kati ya Burkina Faso na Ufaransa. Ouedraogo amesema kusitishwa kwa mkataba huo ni hatua ya kawaida na kulikuwa sehemu ya masharti ya makubaliano hayo.
Amesema utawala wa kijeshi na nchi nzima wanataka kuwa wahusika wakuu katika kuyakomboa maeneo yaliyoangukia mikononi mwa wanamgambo wenye itikadi kali.