Afisa wa jeshi la Burundi amesema, mipaka ya Gatumba na Vugizo imefungwa na inatizamwa kama maeneo yaliyo na shughuli zakijeshi.

Burundi inaiunga mkono serikali ya Kongo katika vita vyake na waasi wa M23 ambao wanadaiwa kuungwa mkono na Rwanda, jambo ambalo Rwanda imeendelea kukanusha.

Maelfu ya raia wa Kongo wamelazimika kukimbilia nchi hiyo jirani ya Burundi baada ya waasi hao kuingia Uvira.

Haya yanatokea licha ya Marekani na mataifa kadhaa ya Ulaya kuwahimiza waasi wa M23, kusimamisha mara moja mashambulizi yao na kuitaka Rwanda kuwaondoa wanajeshi wake kutoka kwenye eneo hilo la mashariki mwa DRC, lenye utajiri mkubwa wa madini.