Mbali na mauaji hayo, watoto wengine 13 wamejeruhiwa vibaya baada ya wanamgambo hao kuwafyatulia risasi wanafunzi wa shule ya Mother Francisca katika mji wa Kumba wa eneo la Cameroon linalozungumza lugha ya Kiingereza.Biya amesema jana kuwa amesikitishwa sana na mauaji hayo na ameamrisha kufanyika uchunguzi wa kina wa shambulio hilo.

Hadi hivi sasa hakuna kundi lilodai kuhusika na shambulio hilo. Lakini katika siku chache zilizopita, maafisa wa serikali na wapiganaji wa makundi yanayotaka kujitenga yamekuwa yakinyosheana kidole cha lawama kuhusiana na shambulio hilo.Cameroon imetumbukia katika machafuko tangu mwaka 2016, pale maeneo mawili ya Kaskazini-Magharibi na Kusini-Magharibi yanayozungumza Kiingereza kutangaza kutaka kujitenga mbali na kuunda nchi yao mpya itakayoitwa  Ambazonia.