Kupitia ukurusa wake wa kijamii wa Facebook, Casillas mwenye umri wa miaka 39 amesema ametimiza ndoto yake ya soka.

Mlinda lango huyo ameshinda mataji mawili ya kombe la Ulaya pamoja na kombe la dunia akiwa na timu ya taifa ya Uhispania.

Vile vile, ameshinda mataji matano ya ligi kuu ya Uhispania La Liga na kombe la bara Ulaya Champions League mara tatu akiwa na Real Madrid.

Hata hivyo, Casillas hajaichezea mechi yoyote klabu yake ya Porto tangu alipopata mshtuko wa moyo mnamo Mei 1, 2019. Kwa wakati huu zipo tetesi kuwa Real Madrid inanuia kumrejesha klabuni humo ili awe kama balozi.

Jarida la michezo la Marca limemtaja Casillas kama mlinda lango bora katika historia ya soka la Uhispania.

Casillas amecheza mechi 1,039 na kushinda mataji 24.