Matokeo hayo yanayoashiria uwezekano wa mageuzi makubwa ya sera ya kigeni kwenye taifa hilo dogo la Ulaya itaijongelea Moscow.

Matokeo ya mwisho yanaonesha chama hicho cha Smer-SSD chenye misimamo ya kupinga msaada wa kijeshi kwa Ukraine na kuzikosoa sera za Umoja wa Ulaya kimepata asilimia 23.3 ya kura na kukizidi chama cha siasa za wastani cha Progressive Slovakia kilichokuwa madarakani.

Ushindi huo unaamaanisha chama hicho kinachoongozwa na waziri mkuu wa zamani Robert Fico kimepata idadi ya viti 42 kati 150 vya Bunge la Slovakia na kitahitaji washirika wadogo ili kuunda serikali.

Wakati wa kampeni, Fico aliahidi serikali yake haitopeleka "risasi hata moja" nchini Ukraine, msimamo ambao wafuatiliaji wa siasa za Ulaya wanasema unafanana na waziri mkuu wa Hungary, Victor Orban.