Mataifa ya Umoja wa Ulaya yakiwemo Ufaransa, Italia, Austria, Ureno na Uhispania yamezindua mipango kabambe ya utoaji chanjo, ambapo mataifa mengi yameanza kutoa chanjo hiyo kwa watumishi wa afya.

Utoaji chanjo katika kanda hiyo ulianza siku ya Jumapili kufuatia hatua ya mamlaka ya dawa ya Ulaya kuidhinisha chanjo ya makampuni ya BioNTech na Pfizer muda mfupi kabla ya siku ya Krismas.

Mataifa matatu ya Ujerumani, Hungary na Slovakia, yalianza, kutoa chanjo hiyo siku ya Jumamosi.

Nchini Ujerumani, maafisa waliwasilisha chanjo katika nyumba zinazohudumia wazee, ambao walikuwa wa kwanza kupokaa chanjohiuyo siku ya Jumapili.

Soma pia: Ulaya yaanza kutoa chanjo ya corona

Mbali na hospitali, kumbi za michezo na vituo vya mikutano vilivyoanchwa vitupu kutokana na hatua za karantini vitageuka maeneo ya kutolea chanjo.

Ujerumani yenye wakaazi milioni 83, imejenga zaidi ya vituo 400 vya kutolea chanjo, ikwemo maeneo kama viwanja vya zamani vya ndege vya Tegel na Tempelhof vya mjini Berlin, na ukumbi wa maonesho ya biashara wa Hamburg.

Maafisa wa afya nchini Ujerumani walipokea dozi zao za kwanza za chanjo hiyo siku ya Jumamosi, ambapo kila moja ya majimbo 16 ya taifa hilo yalipata dozi za awali zipatazo elfu kumi.

Muuguzi wa chumba cha wagonjwa mahututi Zeynep Kallmayer, alikuwa miongoni mwa watu wa kwanza katika jimbo la Ujerumani na Hesse kupatiwa chanjo hiyo katika Hospitali ya Chuo Kikuu cha Frankfurt.

Soma pia: Nchi za Umoja wa Ulaya zapokea chanjo za kwanza za Covid-19

''Natumai watu wengi watapata taarifa za kutosha na hawatakuwa na hofu juu ya chanjo, na pia watoe mchango wao. Kwangu nachukulia kuwa ni jukumu langu kama sehemu ya jamii hii kutoa mchango wangu.''

Chanjo kupatikana kwa wote mwaka 2021

Chanjo hiyo itatolewa bure na kupatikana kwa kila mmoja kuanzia katikati mwa mwaka ujao wa 2021, wakati ambapo chanjo kwa makundi ya kipaumbele zinatarajiwa kuwa zitakuwa zimeisha. Hakuna ulaazima wa kufaniwa chanjo.

Kampeni ya chanjo ya Ujerumani hata hivyo, ilikabiliwa na uchelewaji katika miji kadhaa siku ya Jumapili, baada ya kubainika kuwa karibu vichupa 1,000 vya chanjo ya BioNTech na Pfizer havikutunzwa katika baridi ya kutosha wakati wa usafirishaji.

Soma pia: WHO yakutana kwa dharura kuhusu kirusi kipya cha corona

Ufaransa, ambayo imekuwa ikirekodi karibu maambukizi mapya 15,000 kila siku katika wimbi lake la pili la janga hili, ilipokea shehena yake ya kwanza ya chanjo siku ya Jumamosi.

Maafisa wa Ufaransa walisema wangeanza kutoa chanjo hiyo katika mji mkuu wa Paris na mkoa wa Burgundy-Franche-Comte.

Nchini Italia, vibanda vya huduma ya afya vinavyotumia nishati ya jua vimepangwa kujengwa katika viwanja vya miji kote nchini kwa ajili ya kutolea chanjo hiyo.

Chanzo: Mashirika.