Mabao ya Timo Werner na Mason Mount yalihitimisha kibarua cha mkondo wa pili wa nusu fainali dhidi ya Real Madrid mjini London. Chelsea ilifuzu kwa jumla ya mabao matatu kwa moja kufutia sare ya 1 - 1 katika mkondo wa kwanza. Kocha Mjerumani Thomas Tuchel anarejea katika fainali baada ya kupoteza msimu uliopita akiwa na Paris Saint-Germain dhidi ya Bayern Munich.

Sasa Chelsea watakamatana na City yake Pep Guardiola mjini Istanbul mnamo Mei 29. Chelsea tayari iliiondoa Man City katika nusu fainali ya Kombe la FA Uingereza.