Msemaji wa wizara ya mambo ya nje ya nchi hiyo Lin Jian, amesema wameona ripoti husika na kwamba kama taifa jirani la rasi hiyo, linafuatilia hali inavyoendelea katika eneo hilo.

''Tunaamini kwamba kudumisha amani na utulivu kwenye rasi hiyo na kuunga mkono suluhisho la kisiasa kuhusu suala la rasi hiyo ni kwa maslahi ya pamoja ya pande zote, na tuna matumaini pande zote zitashirikiana kulifanikisha hilo.'', alisema Jian.

Jaribio hilo la kombora linafanyika saa chache baada ya wakuu wa ulinzi wa Marekani na Korea Kusini kuitaka Korea Kaskazini kuondoa wanajeshi wake kutoka Urusi, na kuonya kuwa wanajeshi wa Korea Kaskazini waliovalia sare za Urusi wako nchini humo kwa uwezekano wa kutumika katika vita nchini Ukraine.