Luteka hiyo ya siku tatu iliyopewa jina la "upanga wa ncha kali" inajumuisha makumi ya meli na ndege za kivita zitakazofanya mazoezi ya kijeshi upande wa mashariki na kaskazini mwa Taiwan.

Onesho hilo la nguvu za kijeshi linafuatia mkutano ulioikasirisha China ambao uliwakutanisha rais Tsai Ing-wen wa Taiwan na spika wa  bunge la Marekani Kevin McCarthy huko mjini California

Rais Tsai amelaani mazoezi hayo ya kijeshi kuzunguka Taiwan , kisiwa ambacho China inakizingatia kuwa sehemu ya himaya yake na imeapa siku moja itakirejesha chini ya milki yake.