Lai, mgombea anayeoongoza kuelekea uchaguzi wa rais wa Taiwan utakaofanyika mwakani na mkosoaji mkubwa wa China, alirejea jana kutoka ziara yake nchini Paraguay ambayo alipokuwa njiani alisimama kwa muda mjini New York na San Francisco.

China iligadhabishwa na hatua hiyo ya Lai na kuelezea kwa mara nyingine kwamba mwanasiasa huyo ni msumbufu na kuapa kuchukua hatua thabiti.

Taiwan kwa upande wake pia imethibitisha taarifa za China kufanya mazoezi ya kijeshi ikisema ndege za kivita zipatazo 42 zimeshuhudiwa katika anga lake.

Wizara ya ulinzi ya Taiwan imelaani mazoezi ya kijeshi ya China na kuyataja kuwa ni tabia ya kichokozi.