Wizara ya biashara ya China imesema Umoja wa Ulaya ndio utawajibishwa ikiwa hilo litatokea, lakini ikasisitiza kuwa na matumaini ya kusuluhisha tofauti zao kwa njia ya mazungumzo na kuepusha tatizo hilo kutanuka zaidi.

Soma zaidi: Je, EU inaanzisha vita vya biashara na China

Wiki iliyopita, Halmashauri Kuu ya Umoja wa Ulaya ilipendekeza ushuru wa hadi asilimia 38.1 kwa magari ya umeme yanayoagizwa kutoka China.

Beijing ilipinga vikali hatua hiyo ambayo ilisababisha mkwaruzano wa mahusiano ya kibiashara na kuhatarisha hatua za kulipiza kisasi kutoka China, taifa la pili kwa uchumi mkubwa duniani.