Dani Olmo ajiunga na Barcelona akitokea Leipzig
9 Agosti 2024![Dani Olmo, RB Leipzig](https://static.dw.com/image/66704063_800.webp)
Kiungo mchezeshaji wa Uhispania Dani Olmo ameiaga rasmi RB Leipzig ya Ujerumani na kujiunga na klabu yake ya utotoni ya Barcelona.
Dani Olmo mwenyewe ameandika katika mtandao wake wa Instagram mapema Ijumaa akisema "Asante sana kwa kunifanya kuwa sehemu ya kikosi cha RB Leipzig , daima nitawaweka moyoni mwangu."
Klabu ya Leipzig ilitangaza kuthibitisha kuwa nyota huyo anajiunga na Barcelona katika taarifa yao iliyosema "Asante sana kwa wakati mzuri tuliokuwa nawe pamoja na kwa pamoja tunakutakia kila lenye kheri katika hatua yako inayofuatia kwenye safari yako."
Soma zaidi.Leverkusen yaweka rekodi ya mwanzo bora wa msimu
Mshindi huyo wa Kombe la Ulaya alikuwa na kipengele cha kutolewa katika klabu ya Bundesliga lakini haikusababishwa na tarehe ya mwisho ya Julai.
Ripoti za vyombo vya habari zinasema kuwa mchezaji huyo mwenye umri wa miaka 26 atasaini mkataba na klabu hiyo ya Wakatalunya hadi 2030 katika mkataba wenye thamani ya awali ya yuro milioni 55.
Mkataba wake huko ulitarajiwa kukamilika hadi 2027. Ameondoka Leipzig akiwa ameshinda vikombe viwili vya Ujerumani baada ya kujiunga na timu hiyo akitokea Dinamo Zagreb mwaka 2020.