Shirikisho la soka nchini Tanzania, TFF, limewasimamisha kazi marefa 22 na makamishna wanne wa soka wanaoushutumiwa kwa kuwa na upendeleo kwenye mechi za ligi ya taifa iliyomalizika juzi Jumapili.

Uamuzi uliopitishwa na kamati ya nidhamu ya shirikisho la TFF kufuatia madai ya upendeleo na ulaji rushwa umetangazwa hii leo.

Katibu mkuu wa TFF, Frederick Mwakalebela, amesema adhabu itakayochukuliwa dhidi ya maafisa hao itatekelezwa baada ya uchunguzi wa kina kufanywa.