Nagelsmann alimtaja Neuer kama kipa nambari moja kwa mashindano ya ulaya ya Euro 2024 na anaendelea kumuunga mkono kikamilifu mshindi huyo wa zamani wa Kombe la Dunia ijapokuwa aliisaidia Ugiriki kufunga bao katika mechi ya kimataifa ya kifariki ambayo Ujerumani ilishinda 2-1.

Mkurugenzi spoti wa timu ya taifa Rudi Voller ameliambia gazeti la Bild kuwa wana imani kabisa na Neuer.

Soma pia: Manuel Neuer aongeza kandarasi Bayern Munich 

Naye Meneja Mkurugenzi wa DFB Andreas Rettig ameiambia televisheni ya Ujerumani kuwa Nagelsmann amechukua mkondo sahihi kuhusu suala hilo la Neuer ndani na nje ya uwanja. Amesema kila mmoja kikosini anamtegemea Neuer, na sio tu kwa sababu ya kimo chake, lakini kama mfano wa kuigwa.

Ameongeza kuwa uungaji mkono wa Nagelsmann kwa Neuer na uwazi kuhusu suala hilo ndio njia nzuri na sahihi na sio kuanzisha mdahalo.

La sivyo sasa hivi kungekuwepo na mjadala siku chache kabla ya kuanza mashindano ya Euro wa nani ndiye nambari moja na nambari mbili langoni.

Wenyeji Ujerumani wanafungua kipute cha Euro Ijumaa dhidi ya Scotland, huku Hungary na Uswisi wakiwa pia wapinzani wao katika hatua ya makundi.