Kocha wa Dortmund Nuri Sahin anaamini kuwa Zagreb itawapa mtihani mkubwa, akibainisha matokeo yao mazuri baada ya kuanza kwa kichapo kikubwa dhidi ya Bayern Munich. Dortmundwako katika upande wa juu wa msimamo wa Champions League baada ya ushindi mara tatu, wakati Dinamo wakiwa katika na pointi saba baada ya kucheza mechi nne.Nayo VfB Stuttgart wanaingia uwanjani muda mfupi ujao kupambana ugenini dhidi ya Red Star Belgrade. Stuttgart wana pointi nne wakati Red Star wana sifuri baada ya kuchezwa mechi nne kati ya nane za hatua ya ligi ya mashindano hayo. Kocha Sebastian Hoeness amewataka vijana wake kutarajia mazingira magumu kutoka kwa mashabiki kindakindaki wa Red Star. Katika mpambano mwingine unaotarajiwa kuwa mkali, mabingwa watetezi Real Madrid watakwaana ugenini dhidi ya Liverpool.