ECOWAS imesema itakabiliana na wachochezi wa ghasia huku ikiwapongeza watu wa Liberia kwa mchakato wa amani wa upigaji kura na kuwataka waendelee kuwa wavumilivu wakati wakisubiri matokeo.

Jumuiya hiyo imewataka wadau wote kutii kanuni za kidemokrasia.

Soma zaidi: Waangalizi wa kimataifa waipongeza Liberia kwa uchaguzi wake

Raia wa Liberia walipiga kura Oktoba 10 na kuamua iwapo watamchagua tena gwiji wa soka George Weah kwa muhula wa pili kama rais, pamoja na kufanya uchaguzi wa Bunge.

Kwa sasa kura zinaendelea kuhesabiwa na matokeo ya mwisho yatatangazwa ndani ya wiki mbili baada ya uchaguzi.