Akizungumza na waandishi habari mjini Istanbul kabla ya kuabiri ndege kuelekea New York kwa mkutano wa Baraza Kuu la Umoja wa Mataifa, Erdogan amesema Umoja wa Ulaya unafanya kila njia kuharibu mahusiano yake na Uturuki.

Alikuwa akijibu swali kuhusu ripoti iliyoidhinishwa na Bunge la Umoja wa Ulaya hivi karibuni ambayo inasema "mchakato wa kuikaribisha Uturuki ndani ya kanda hiyo hauwezi kuendelea chini ya mazingira yaliyopo sasa". Uturuki iliomba kujiunga na Umoja wa Ulaya mwaka 1999 na mazungumzo yalianza mwaka 2005.

Hata hivyo yalikwama mwaka 2018 baada ya Umoja huo kusema misingi ya kidemokrasia nchini humo imeporomoka.  Jitihada za kuyafufua mazungumzo hayo hadi sasa bado hayajazaa matunda.