SiasaeSwatini
Eswatini yafanya uchaguzi wa Bunge
29 Septemba 2023![Raia wa Eswatini wakipiga kura](https://static.dw.com/image/66957351_800.webp)
Matangazo
Raia wa Eswatini watawachagua wabunge 59 wa baraza la Bunge, ambalo lina jukumu pekee la kumshauri Mfalme.
Matokeo ya uchaguzi huo yanatarajiwa kutangazwa siku chache zijazo, na upinzani nchini Eswatini ambayo awali ilifahamika kama Swaziland, umetoa wito wa kususia upigaji kura.
Vyama vya kisiasa vimepigwa marufuku katika nchi hiyo na wabunge hawawezi kuhusishwa na makundi ya kisiasa.
Zaidi ya watu 500,000 wamejiandikisha kupiga kura katika taifa hilo maskini la kusini mwa Afrika, ambako Mfalme Mswati III aliyeingia madarakani tangu mwaka 1986, amekuwa na mamlaka kamili.
Licha ya maandamano ya mwaka 2021 ya kudai demokrasia, uwezekano bado ni mdogo wa kubadilisha hali ya kisiasa katika ufalme huo.