Katika mahojiano na shirika la habari la AFP naibu kiongozi wa Chama cha Ukombozi wa Watu wa Tigray TPLF Amanuel Assefa, amesema madai hayo ni "si ya kweli kabisa.

Assefa alidai kuwa serikali inajiandaa kuanzisha vita dhidi ya Tigray  na inataka kutumia kisingizio hicho kuupotosha jumuiya ya kimataifa.

Hapo jana , serikali ya nchi hiyo ilidai kuwa vikosi vya Tigray vilikuwa vinajiandaa kuanzisha mashambulizi dhidi yake katika siku zijazo, jambo lililoibua hofu ya kurejea kwa vita.

Pia iliishtumu  TPLF kwa kuimarisha uhusiano wake na Eritrea, ingawa kundi hilo limekanusha madai hayo.